Похожие материалы
Зуламхойн тхьамда Умаров лоцур ву
11:08, 10 декабря 2009г.
Просмотров: 3948
Умаров нохчийн халкъаца хIумма а дозуш вац, мелхо а, Россин дерриг а халкъан а, сан а, коьрта мостагIа ву иза, – элира республикан куьйгалхочо. «Невский экспресс» эккхийтарца Умаров ша гIуллакх догIуш хилла хиларх, я цахиларх дозуш доцуш, цунна тIехь ду цо Нохчийн Республикехь дина дуккха а кхин зуламаш.Вай иза хаддаза лоьхуш ду. И болх беш ду бакъонашларъяран органийн а, леррина йолчу службийн а дакъош, – билгалдаьккхира Нохчийн Республикан Президента.
– ЦIерпошт Умаровн омрица эккхийтаран хьокъехь долчу дIахьедарех дерг аьлча, кхузахь керла хIумма а дац. Масех бутт хьалха цара шайна тIеийцира Саяно-Шушенски ГЭС-хь хиллачу бохамах долу жоьпалла. Шен хенахь ерриг а терактех долу жоьпалла шена тIеоьцура вевзаш волчу Радуев Салмана, – дагадаийтира Р.Кадыровс.
– Умаровна сийлахь хIумма а дац. Терактах долу жоьпалла шена тIе а лаьцна, Умаров шен дозанал арахьарчу верасашна хьалха вазвала гIерташ хила а тарло, хIунда аьлча, тIаьхьарчу хенахь ФСБ-ца а, федеральни кхечу ведомствошца а вай цхьаьна гIуллакхаш дар бахьана долуш иза соне верзийна а, цуьнан бандин дараш хуьлу, – дIахьедира Р.Кадыровс. Оцу гIуллакхехь «шайн дIахьедарца Умаров а, цуьнан гуо а цIерпошт эккхийтар таллар харц новкъа дерзо гIерташ хила а тарло».
Р.Кадыровс билгалдаьккхина ма-хиллара, хIокху аьхка Сочехь мехкан куьйгалхоша дина тIедиллар кхочушдеш, дуьххьалдIа тIаьхьарчу масех баттахь леррина йолу операцеш дIаяхьарехь хIаллаквина 150 сов боевик, царна юккъехь бандтобанийн куьйгалхой а болуш. Царех дукхах берш хIаллакбира ГIалгIайчоьнца долчу дозанехь.
– Террористашна а, бандиташна а дуьхьал къийсам вай долчохь нуьцкъаллин структураша латтийна ца Iа. Шайн ницкъаш ца кхоош болх беш бу депутаташ, администрацийн куьйгалхой, министраш, берриг а бахархоша жигара гIо а лоцуш. Террористашца болчу къийсамехь вайн кхелхина уггар гергара, юххера адамаш. Оцу къийсаман шерашкахь кхелхина нохчийн эзарнаш милцой, – элира Р.Кадыровс. Цу хьокъехь хаам бо Нохчийн Республикан Президентан, Правительствон пресс-службо.
С.ЛАЛАЕВ.
{mosloadposition user9}
При копировании материалов ссылка на сайт обязательна
test 2Новости СМИ2
Комментарии
Ваш комментарий отправлен на модерацию.
Комментариев еще нет.
См. также