2003-чу  шарахь дуьйна  вайн  республикерчу хьехархоша  жигара  дакъалоцу  ерриг Россехь  дIахьош   йолчу  «Шеран хьехархо» конкурсехь. ХIокху деношкахь  дIайирзина   цуьнан  республикански  тур. Республикан  тоьлла  хьехархо  къасторна  леринчу  къийсадаларшкахь  дакъалецира   43  хьехархочо. Шайн-шайн говзаллашкахула  районашкахь  хьалхара   меттигаш   яьхнарш  бара  уьш.28-чу  апрелехь  Соьлжа-ГIаларчу  Президентски лицейхь  хилира   конкурсан жамIаш довзийтарна  лерина  даздарш. «Нохчийн Республикан  шеран  хьехархо – 2010» кхайкхийна  Халадова  Роза, Соьлжа-ГIаларчу  №38 йолчу  ишколан химин хьехархо. ХIинца  цунна  тIехь ду  Ерригроссин  конкурсехь  Нохчийчоьнан  сий  лардар.
Нохчийн Президентан Кадыров Рамзанан  цIарах  толамхочунна совгIат  дина  «Приора» машенца. Шен  совгIат дира  Розина  Соьлжа-ГIалин  мэра  Хучиев Муслима а. Иштачохь  олуш  ма-хиллара,  Дала тIаьхье  беркате   йойла!

Хь.АБАЕВ.

{mosloadposition user9}


При копировании материалов ссылка на сайт обязательна

test 2Новости СМИ2