доллар    57.51 $
евро 67.58 €
24 октября, 05:22
+8 в Грозном

Тхан дена иза виц ца лора

15 сентября в 09:54 (2010 г.)
Кадыров  Ахьмад-Хьаьжин  дахарх а,  динан   некъах а,  Нохчийчоьнан а, Россин а  пачхьалкхийн   политически  хьармахь  дакъалацарх а,  кхечу  пачхьалкхашца  йоьзначу   юкъаметтигех  а,  т1ом   сацийна, вайн  республика  юхаметтах1отторехь   къахьегарх а, доцца    аьлча,  цо   лаьтта  т1ехь  яьккхинчу  хенан   керла-керла  аг1онаш   йовзийтина   «Даймохк»  газето. Дукха  хан   йоццуш, тхан   редакцехь   хилира  Гуьмсан   яхархо   Якубова   Асет. Цо   еъначу  материала   т1ехь   юьйцург  Ахьмад-Хьаьжа  кхиъна   вог1у  хан ю,  кхин  цхьаъ а, цуьнан амалан   адамаллин   аг1о  а,  жимчохь  дуьйна   а  динан  аг1о   цо  лоруш  хилар а   билгалдолу   кху т1ехь. Тхан  Б1ачи-Юьрта   ишколе  деша   дог1ура Г1ансол-Коьртера а,  1аларой-Эвлара а,  Хоси-Юьртара  а бераш.
Б1ачи-Юьртана а, Хоси-Юьртана а   юккъехь   кхо километр некъ бу,  деша   дог1у   бераш  д1аса г1аш лела   дезара. Хоси-Юьртахь  бехаш  тхан  ненан ненахой  бу, цара  тхан   да  Ваха   шайн  нуц  лоруш  вара. Цкъа Ваха   д1акхайкхинера   цу   юьртарчу Кадыров   Ахьмадан  дедас, тхан ненан  Миспахьан гергарчу   х1усаме. Воккхачу  стага   тхан   дега аьлла: « Ваха,  хьо  тхан нуц  ларалуш   ву. Хьо тхуна  везаран   бахьана  – хьан  да  Ц1ома  ву,  ткъа  Миспахь  тхан   гергара  хиларо  вайн  гергарло   ч1аг1дина.  Кху чуьра   тхан   к1ентан к1ант Ахьмад  оцу  шун  юьрта деша  лела  везаш ву. Ши шо   к1езиг  зама а  яц.  1аьнан  заманчохь  д1асалела  таро  хир яц,  вайн   шина  юьрта  юккъехь  таь1на  чоь  ю,  цигахь  ча-борз, акха  ж1аьлеш  хуьлу, и   меттиг  жирга   хетара   тхуна,  бер   д1алелийта. Хьо   волчохь 1а а   доккхуш,  оцу   тхан   к1анта   Ахьмада доьшийла    лаьара    тхуна. Хьох б1о   булуш,  хьан   х1усам  бусалба   динца   йолу   дела,  оцу хьокъехь   кхайкхина-кх ас хьо», элира.
Тхан дас  Вахас дуьхьал  жоп делла:   «Дела   реза  хуьлда   шуна,  со къастийна а,  сох  б1о   булуш,  со   везарна а. Сан  дагна  а  ду шу  дезаш  а, гергара   хеташа. Сан  дена   Ц1омина   дезна  шу,  шун   1илма а,  шуьца  йолу   къонахалла а.
Тхан  чохь  а  ву   к1ант,  шун Ахьмадан   сагатдойла  хир яц.Чуьрчу  берех   ца   къестош, оха тхайн   волуш  санна,  лелор  ву  шуна иза».
Т1екхаьчна сентябран   денош,  Ахьмад а  веана   Б1ачи-Юьрта ишколе   деша. Тхан   вешица  ишколера   чувеана   Ахьмад,  тхан нанас   юург  хьалха  х1оттийна   хилла  цу   шинна. Ахьмад оьзда а,  г1иллакхе а,  ийман долуш   а хилла  жимчохь  дуьйна  а,  бусалба   дин  а,  оьздангалла а йолчу  х1усамехь  1амийна   хиларе   терра. Тхайн х1усамехь  мел  денош-буьйсанаш  цо   яьхна   ца  хаьа  суна.
Амма цхьана   дийнахь  ца   веана  Ахьмад  тхоьга. Тхан   вешега  аьлла  цо: «Со   тахана  ц1а   воьду,  кхана-лама   ван а  мега   со юха. Нагахь   ца   ваг1ахь а,   суна  бехк   ма  билла».
Иза а аьлла Ахьмад  д1авахана  Хоси-Юьрта. Д1авахча   шен  де-дега   аьлла цо: «Дада,  суна    Вахаг1аьргахь   а 1аш,  Б1ачи-Юьрта  ишколе   лела  ца лаьа. Со кхин   цаьрга  г1ур вац,  массо а    денна  д1асалелар   ву  со,  суна  а  хир дац   х1умма а, нехан  бераш а  хир ду   соьца, ишколе  даха а,  дахка а».
– Ткъа, х1ун  бахьна  ду  хьуна  х1оьттинарг, х1ун   цатам  хилла  хьуна,  –  аьлла,   цецваьлла хаьттина  Ахьмадан   дедас. Ахьмад  шен дедеца эвхьаза   хилла,  цо бахьана д1адийцина: «Дада, со  ийманах   кхеточу  хенахь,  суна   цхьа   х1ума  хьехнера   ахь, хьажон ца безачу  ши  б1аьрг   а ма  хьежабе,  кховдо   ца дезачу  ши   куьг а ма кховдаде, аьлла. Ас  иза  к1орггера   схьалаьцна. Оцу  Вахин  х1усамехь   кхуьуш   хаза  ши  йо1 ю. Ас   сайн   б1аьргаш  мича  хьежо  беза,  уьш   гуш   суна   хилча? Суна   сайн  ийман дохо ца  лаьа, уьш   вайн   гергара  а  хилча». Хан-зама  яьлла,  Ахьмадан  ишкол   чекхъяьлла.
 Иза   махкана  а  вевзаш  къонаха  а,  нохчийн   сийлахь   турпалхо а хилла д1ах1оьттина...
Вайн   нохчийн  къоман  хьалхара  Президент –  Ахьмад-Хьаьжа,  –к1енташлахь   к1ант а, къонахашлахь   къонаха а  хилла  волу,   дуьнен чуьра   д1акхелхина. Цуьнан тезетахь,  б1аьрхиш   ца  совцуш, воьлхуш   тхан  да  Ваха а   лаьттина,  и   хилларг   дагчу   ца  тарлуш,  массо    къонахий а билхина. Цхьана   суьйранна  оцу   тезетахь  лаьттачу  тхан  дега  Вахига  т1е а   кхайкхина, Ахьмад-Хьаьжин  дас   аьлла: «Ваха,  хьоьга   хатта  лууш  цхьа  х1ума   дара   сан  Ахьмадан   безамна. Д1о раг1у   к1ел   не1  гой  хьуна?  Цу  не1арх   дехьа  валахьа, со   д1авог1у,  кхузахь вист   хила   меттиг ер яц   вайна, адам дукха ду».
1абдул-Хьамид  т1евеъна   цига,  цо   хаьттина   тхан дега:
– Ахьмад-Хьаьжа   сан   к1ант  хиллехь  а,   соьца   эвхьаза  вацара,  сан дас   шеца  эвхьаза   винера иза. Сох  бехк   лоьцура  цо.  Ахьмад-Хьажа  жима  волуш,  шуьгахь  а 1аш  Б1ачи-Юьрта   ишколе  деша   лела   везаш   вара  иссалг1а а, итталг1а  а  классе. Ткъа   цунна  шуьгахь   1ан   ца   лиънера.  Цунах  дерг   суна   т1аьхьо бен  ца  хиира. Шун   доьзалехь  ши йо1   ю бохура   тхан  дас  Ахьмадна  хазахетта. Оцу  шина    йо1ах  х1ун хилла, Ваха».
Вахин   б1аьргех  хи  хьаьдда.
– Х1аъ, цундела   ца   1ийна хилла-кх  Ахьмад  цу  хенахь  тхоьгахь, –  аьлла, цецваьлла  тхан  да, и хан   дуьхьал   х1оьттина.  Дог  дуьзна  тхан   ден  оцу  жимчу к1антах,  ткъа  тахана   и   к1ант и  халкъан  турпал   ву,  массо а   теш  волуш  цуьнгахь   дерг ц1ена  ийман  а ду, и   ц1ена  г1азот  а  ву. Нохчийн  шира   кица   дагадеана   Вахина  «К1охцал  долуш  дуьйна   а   долу ира», – аьлла. Ша   дуьнен чу   ваьлчахьана а   хилла  Ахьмад-Хьаьжа   Делан   веза  хьаша а,  ийманан дашо   буьртиг а,  – аьлла   Вахас».
Х1инца тхан  да а  воцуш ву. Ша   кхалхале  жимма хьалхо дийцира  цо   тхуна   х1ара   хабар. Бераллехь  а  цуьнгахь   хиллачу   ийманах  цецвуьйлуш,  уллера   гергарло   лелор нис  а  ца деллехь а,  иза  вовзарх а воккхавеш, дуьйцура   цо Ахьмад-Хьаьжех лаьцна.
ЯКУБОВА Асет.

{mosloadposition user9}

Если нашли ошибку в тексте выделите ее и нажмите Ctrl+Enter

ОБСУЖДЕНИЕ

Комментариев нет