Музейхь схьабиллина суьртийн гайтам

23 сентября в 14:47 (2010 г.) 5966
Нохчийн Республикан  Къоман   музейхь схьабиллина  Нохчийн   зудчун  денна   лерина   болу   суьртийн   гайтам. Уьш   бу   нохчийн   18   художникан  белхаш, царех   ворхI   болх  зударша  дехкина   суьрташ ду. Дехкина   суьрташ  дукхадезаш   болчеран   таро  ю  бевзаш  болчу   художникийн   белхаш   ган.
Санкт-Петербургски    исбаьхьаллин   академи  чекхъяьккхина  волчу   цIеяххана   вевзаш  волчу   художникан  Абаев Лечин   сурт    «Кехат  доьшуш   йолу   йоI» цIе  йолуш  ду. КхидIа бу   Исаев   ХIаронан  белхаш.  Уьш  культуран   балхахь   а,  шайн  исбаьхьаллица а  билгалбевллачу зударийн   суьрташ ду. Царна  юккъехь ду   къоман   костюм   юьйхинчу   Чермоева   Дарин   сурт. Художника  ХХ-чу  бIешеран   юьхь,  нохчийн  къоман   ламасташкахь  дерриге а   диканиг   Iалашдан   зударийн-ламанхойн  таро  хиллачу   бохамечу  зерийн  хан  гойтуш   долу   суьрташ а ду. Гайтаре   баьхкинчеран  таро  ю Исаев  ХIарона   шайн   васташ   говза   гайтинчу кхузаманахьлерчу  зударийн  суьрташ ган. Гайтамехь  ду  Санкт-Петербургски  исбаьхьаллин   Академи чекхъяьккхина   волчу  Расуханов  Iарбис   дехкина нохчийн   зударийн   суьрташ. Зударийн   суьрташкахь   говза   гойтучу   вайн  синтем  баран   ойла   хаало   хьажархочуьнгахь. Нохчийн   зударийн   васташ   алссам   къеггина   гойтуш  ду   художникан  Абкаров  Iийсан   акварелан   белхашкахь:  «Нохчийн  пондар локхуш   йолу   йоI», «Хьежар».  «ЙоI   хийистехь», «Iайшат». Дерриге  а суьрташкахь   йолчу   темо   гойту  нохчийн   йоьIан лаккхарчу   барамехь  оьзда   васт.
Зударшца   йолу   шен   юкъаметтигаш гойту  Нохчийн Республикан  Сийлахьчу  художника  Заураев  Вахийтас. Цо   дехкинчу   аренийн   зезагийн   курсийн суьрташа   хьажархо  бIаьстенан  дог-ойлане,  дахар   самадаларан а,   кхолладаларан  а  хене    вуьгу. Говзачу   художника,  графика  Седиев Хьасана    чIогIа   тамашбойту шен   лирически   композицешца. Цигахь   нохчийн    мехкарша   шовданан   йистехь   шайн  деган  къайленаш  юьйцу  сирла  суйнаш   туьйсучу   ломан  хишка. ЦIеяххана    вевзаш   волчу   нохчийн   художникан   Ильясов   Адаман   «Теркайистехь»  суьрто   гойту   хьомечу лаьттан   хазалла, говзанча-суртдиллархо  Нохчийчоьнан   чIогIа  хазачу   меттигашка  сема   хьоьжуш  хилар. Нохчийн  Республикан  Сийлахьчу  художникан  Эльмирзаев  СаIидан а,  Чамаева  Асетан а белхашкахь   дика   гойтуш  бу  заьIап   йоьIан   бохам. Цу   тIехь   къеггина   гойту  нохчийн   йоьIан-суртдиллархочун  ойланан  ницкъ.
ПохIма  долчу художника  Мутусханов  Ислама   диллинчу   студенткин   суьрто студентийн   хенан  дуьнене   дIавуьгу. Шен  башхачу   белхашкахь   нохчийн   баккхийчу   зударийн чкъуран   васташ   гойту   Муртазалиева Заретас. Иза   ду  «Джукалаева  Пасихьат» цIе  йолу   сурт. Дерриге а   суьрта   тIехь  хаало  зудчун   дахар. Шена тIе  тидам бохуьйтуш  бу   заретин   «Цхьана  эзар   шарера   вукха  эзар   шаре    довлар»  цIе   йолу  болх. Цу  тIехь   заманийн   доза   хадийна, дехьабовлу  нохчийн  зударий, царех  хIора  а  дийнна  зама ю. Автора   церан  баккъаш   гойту.  Царех   цхьаъ   цхьана  декъана   схьайирзина  ю. Иза   дIадаханчуьнга   бIаьргтухуш  ю,  уьш   массо а   цхьаьна  тIедогIучу   бIешаре    бовлуш  бу,  дерриге а,  цуьнца   цхьаьна    вай а,   тIаьхьа а    дуьтуш.
Шайна тIе   боккха   тидам   бохуьйтуш  бу къоначу  художникийн   Тайсумова   Тамарин  а,  Пашаев Абун а,  пхи шо   кхаьчначу   Ижаева Маремин а    белхаш.
Суьрташ   дахкаран   искусство   езаш   болчеран  таро ю  нохчийн   художникийн   башхачу    суьртех  марзо  эца.
 

{mosloadposition user9}

Если нашли ошибку в тексте выделите ее и нажмите Ctrl+Enter

ОБСУЖДЕНИЕ

Комментариев нет
Картина дня? Картина дня
Песков: в ближайшее время Путин позвонит Трампу и поздравит с вступлением в должностьПесков: в ближайшее время Путин позвонит Трампу и поздравит с вступлением в должность
В мире
Капремонт монумента "Родина-мать зовет" обойдется в 2 млрд рублей   Капремонт монумента "Родина-мать зовет" обойдется в 2 млрд рублей
В России
Р. Кадыров поздравил С. Аксенова с Днем образования КрымаР. Кадыров поздравил С. Аксенова с Днем образования Крыма
Власть и политика
Карачаево-Черкесия станет ареной состязаний лучших тхэквондистов России и стран СНГКарачаево-Черкесия станет ареной состязаний лучших тхэквондистов России и стран СНГ
Спорт и здоровье
Прогноз погоды на 21.01.2017 в ЧечнеПрогноз погоды на 21.01.2017 в Чечне
Происшествия
В Карачаево-Черкесию с официальным визитом прибыл Полномочный представитель Президента России в СКФОВ Карачаево-Черкесию с официальным визитом прибыл Полномочный представитель Президента России в СКФО
Общество
Фотография из
Идет загрузка картинки...
Добавлено:
Просмотров: