доллар    57.45 $
евро 67.51 €
17 октября, 20:12
Погода в Грозном +12 в Грозном

Хьехархойн институтехь цхьаьнакхетар

21 декабря в 10:00 (2010 г.)
Кегийрхошна  юккъехь  экстремизм а,  терроризм  а юхатохаран   республикан планаца  нохчийн   пачхьалкхан   хьехархойн  институтехь  (ЧГПИ) Iедалан   органийн   векалш   цхьаьнакхийтира   студенташца. Къамелехь   дакъалецира   Нохчийн Республикан Парламентан   депутаташа  Юсупов  СаIида,  Бетрахмадов  Руслана,  Хамбиев Мохьмада, республикан  арахьарчу   зIенийн,  къоман   политикин.  зорбанан,  хаамийн  министерствон  шуьйрачу  хаамийн гIирсийн  департаментан   директоран   декхарш   кхочушдеш   волчу   Хатуев  Ислама. – Вайн   ирсана,  вайна   йицъелла адамаш   довш хилла,  кест-кеста теракташ,  тIемаш  беш   хилла  хенаш. Иза  гуш ду   ура-атталла  Нохчийчоьнан  Куьйгалхочун   республикан   бахархошца  тIаьххьара    эфирехь  дуьххьалдIа  хиллачу   къамелера а.  Телефонехула  студе   кхочуш   хилла  дерриге  ахаттарш  дахаран-Iеран  хьаштех хьакхалуш  дара,  ткъа   дукха  хан   йоццуш  хьалха  и хеттарш   адамийн   дахарх  лаьцна  дара. И хIуммнаш   дицдан  йиш   яц. Иза   царна   бекхам  бан   беза   бохург   дац,  иза   гIалаташ  дицдан мегар   дац   бохург  ду, –  билгалдаьккхира   И.Хатуевс.
Цхьаьнакхетаран студенташна   дийцира экстремистски  а,  террористически а   къовсамаш   кхоллабаларан   бахьанех  лаьцна.
М.Хамбиевс  билгалдаьккхина   ма-хиллара, тахана  нохчийн   кегийрхошна  уггаре  а   коьртаниг   ду  вайн   халкъана  хийра йолу   идеологи   тIе цаэцар.
Билгалдаккха  деза   Iедалан    векалшна а,  студенташна  а  юккъехь   къамел   даррехь  а,  чулацаме а хилла   хилар.  Цхьаьнакхетаран   берриге  а  дакъалацархой   цхьа  ойла   йолуш   хилира   оцу   кепара   цхьаьнакхетарш  кест-кеста   дIадахьа  дезаш   хиларехь.
Цхьаьнакхетар   чекхдолуш, институтан  дешаран   декъехула   волчу   проректора   Ажиев   Ахьмада   дешаран   заведенин  куьйгаллин   цIарах   хьешашна  баркалла  элира   чулацаме   къам дарна.
Хь.ДЕЛЬМАЕВА.

{mosloadposition user9}

Если нашли ошибку в тексте выделите ее и нажмите Ctrl+Enter

ОБСУЖДЕНИЕ

Комментариев нет