«Вайнах» – сан дахаран туьйра

26 ноября в 16:33 (2009 г.) 2417
Ша хелхарийн дуьнена вар иштта дагалоьцу Хасимиков Туркос: – Жима волуш чубаьхкинчара хьовзавора со хелхавала олий, 4–5 шо дара сан хІетахь, со хелхаволура. ТІаккха цара хастийча, дог-ойла айлой, сайх бІо булура сан. Иштта марзделира суна вайнехан хелхарш.
Хасимиков Турко 1952-чу шарахь Казахстанан Талды-Кургански областан Тешли гІалахь вина. Вайнах Даймахка цІабирзича Соьлжа-ГІалахь баха сецна церан доьзал. Шен 11 шо долуш Соьлжа-ГІаларчу «Пионерийн цІийнехь» хелхаран кружоке эха волавелира иза. Массарна гуш дара Турко хелхаран похІма долуш хилар. Ишколехь 8 класс чекхъяккхалц ихира иза кружоке. Кхуьнгахь мелла а хелхаран говзалла сов хилар хааделлачу куьйгалхочо Саркисян Константина гІо а деш, культпросвет училище хелхаран отделене деша вахара Турко. Кхиамца иза чекхъяьккхинчул тІаьхьа 1970-чу шарахь дуьйна «Вайнах» ансамблехь а ву. Хан-зама яларца цуьнан тоьллачу хелхарчех цхьаъ хилла дІахІоьттира и похІме артист.

1988-чу шарахь Нохч-ГІалгІайн Республикан хьакъволу артистан цІе елира цунна, ткъа 2001-чу шарахь Нохчийн Республикан халкъан артистан а. 2005-чу шарахь Туркона совгІат дира «За трудовое отличие» мидалца а, 2007-чу шарахь Российски Федерацин культуран министран баркаллин кехатца а.

Карарчу хенахь «Вайнах» ансамблан балетмейстер ву Турко.

– «Вайнах» ансамблехь со уггар а воккхавеш дерг гастролашка даханчуьра даима а юьхь-кІай цІадерзар ду. ХІора стеган а хуьлу шен дахарехь даима дагахь лаьтташ, къаьсттина самукъане даьхкина денош. Сан дахарехь а ишттачех дара дуьххьара кхечу пачхьалкхе – Чехословаке гостролашка а дахар. 1971-чу шарахь дара иза. Цигара Сийлаллин грамоташца а, ткъа иштта мехала совгІаташца а тхаьш цІадирзира тхо. «Вайнах» сан дахаран шатайпа туьйра ду-кха.

Олуш ма-хиллара, хелхар къоман юьхь ю. Тахана «Вайнах» ансамбле богІучу кегийрхошка дехар дара сан, вайн къоман хелхар цаталхор, шаьш лелачохь, шаьш хьанах схьадевлла а, муьлш ду а хууш оьздангаллица чекхдовлар.

Р.МУСИПОВ.
 

{mosloadposition user9}

Если нашли ошибку в тексте выделите ее и нажмите Ctrl+Enter

ОБСУЖДЕНИЕ

Комментариев нет
Картина дня? Картина дня
Американскую учительницу уволили за троллинг учащихся в TwitterАмериканскую учительницу уволили за троллинг учащихся в Twitter
В мире
Глава МИД РФ: Западные ценности принципиально расходятся с российскими традициямиГлава МИД РФ: Западные ценности принципиально расходятся с российскими традициями
В России
Р. Кадыров: ЧР под силу сохранить и улучшить динамику развитияР. Кадыров: ЧР под силу сохранить и улучшить динамику развития
Власть и политика
Чеченская команда по пожарно-прикладному спорту готовится к зимнему чемпионатуЧеченская команда по пожарно-прикладному спорту готовится к зимнему чемпионату
Спорт и здоровье
Число жертв авиакатастрофы под Бишкеком выросло до 38 человекЧисло жертв авиакатастрофы под Бишкеком выросло до 38 человек
Происшествия
Родители! Будьте внимательней!Родители! Будьте внимательней!
Общество
Фотография из
Идет загрузка картинки...
Добавлено:
Просмотров: