доллар    56.47 $
евро 63.49 €
24 мая, 03:39
Погода в Грозном +14 в Грозном

КВН-хула болу къийсамаш

26 ноября в 16:41 (2009 г.)
Кху тІаьхьарчу хенахь Нохчийчохь КВН-хула болу къийсамаш жигарбевлла. Иттех шо хьалха и иштта хир ду аьлча, цхьа а тешар вацара. Вайна ма-хаъара, «Нохчийн лар» боху тоба яра цу тайпана къийсамашкахь дуьххьара дакъалаьцнарг. Иза Россин премьер-лигехь а левзина ю. Цул тІаьхьа нохчийн квншикаш алсамбовлуш лаьтта. КВН Нохчийчохь йолу дукха хан яцахь а, де-дийне мел долу, кхуьуш йоьду. Нохчийн Республикан студенташна юккъехь а хуьлу КВН-хула болу къийсамаш. ХІокху ноябрь баттахь Нохчийн пачхьалкхан университетан кхоалгІачу корпусан актови зала чохь дІадаьхьира цара шайн ловзар. Ловза йисина командаш итт яра, уьш Ѕ финале бовла къийсалуш бара. Командаш дукха хиларна шина дийнахь дІадаьхьира цара шайн къийсадаларш. Дешархоша цигахь гайтина номерш студентийн дахарх а, экзаменех а, университетан хехойх, студентийн духарх а лаьцна яра. Къийсамийн чаккхенехь шайн Іалашоне кхечира филологин, юристийн, биолого-химически, пачхьалкхан урхаллин, математически, агрономически, финансово-экономически факультетийн командаш.

КВН-х ловзуш дакъалаьцначу Хасанов Темирбулата  дийцарехь, оцу къийсамашкахь толам баьккхинчеран Къилбаседа Кавказехь хинйолчу КВН-хь дакъалаца аьтто хир бу.

АБДУЛАЕВ Адам.     

{mosloadposition user9}

Если нашли ошибку в тексте выделите ее и нажмите Ctrl+Enter

ОБСУЖДЕНИЕ

Комментариев нет