доллар    56.65 $
евро 63.55 €
27 мая, 05:34
Погода в Грозном +12 в Грозном

Ийманехь кхиор

8 февраля в 13:26 (2010 г.)
Жигарбаьккхина кхеторан болх. Январь  беттан  тIаьхьарчу  шина  дийнахь  ийманехь  кхетош-кхиоран  центран Iалимаша  Сольжа-ГIалин Заводской  а, Ленински а  районашкахь  дIабаьхьира  вахош долчу маларех  долуш  долу  зен,  зулам  довзуьйтуш, иза  дохкар а, эцар а,  дIасадахьар а, малар а  цхьатерра  къилахь  хиларх  кхетош  долу  гIуллакхаш. Ийманехь  кхетош-кхиоран  Центран  директоран  гIоьнчас  Асаев Аюба  дийцарехь,  оцу шина  дийнахь «центран»  жигархой  лакхахь  хьахийначу  шина  районерчу  дукхах  йолчу  кафешка,  мах бечу  кхечу меттигашка  кхечира. Къамелаш  дира  йохкархошца а, эцархошца а. Цара   къаьсттина  тидам тIебохуьйтура   вахош  долу   маларш духкуш  йолчу  меттигашна. Нагахь  санна иштта  меттиг  хааелча  йохкархошна   кIеда-мерза,  церан  кхетаме  дIакхочур  долчу,  дагах кхетар  долчу  кепара  дуьйцура  къаьркъа, чагIар,  йий, вахош  долу  кхин   маларш  дохкарх хилла  ахча   я  диканна  а,  я вуонна  а  хьовзон  мегаш  цахиларх,  и ахча   хьарам  хиларх лаьцна. Цул сов, Iалимаша, Къуръана   тIера  билггал  аяташ а, Мухьаммад пайхамаран  (Делера  салам-маршалла  хуьлда  цунна) хьадисаш а далош  довзуьйтура  вахош  долу  маларш  духкучарна  къемата дийнахь  хиндолчу  Iазапах  лаьцна. Цо  дика  тIеIаткъам  а бора.
«Центран» жигархойн леррина  тидам  тIебоьдуш  меттигаш  ю  кхиазхой  а,  кегийрхой а гуллуш  берш. Ишттачу  метте  кхаьчча а, шайн нийсачу накъосташца  санна  къамелаш  а до,  хьехамаш а  бо  Iалимаша. Царна  даррехь  дIахоуьйту  Дала  хьарам  дина   вахош долчу  маларех  деттадалар  бусалба  динца  догIуш   цахилар. Иштта цхьаьнакхетарш  хилира  дIадаханчу мукъа  деношкахь а.
Асаев Аюба  дийцарехь йохкархошна а, кегийрхошна а къаьсттина  боккха  Iаткъам  бо, уьш  шаьш  лелочух  юха  а  боху  хьарамло  лелорна  дохко а ваьлла, иза  дита а дитина,  нийсачу некъа  тIе хIоьттинчу  стагана  АллахIа  Шен  боккха  къинхетам  беш   хилар, гечдеш  хилар   дIахаийтаро. Иза хууш   ца  хилларш  дукха  карабо  маларш  духкучарна а, маларех  пайдаоьцучарна а юккъехь.
Цундела, А.Асаевс билгалдаьккхина  ма-хиллара бахархошна юккъехь  кхетаман  болх хаддаза дIабахьа  беза. ХIунда  аьлча,  цкъа  аьлча кхеташ  верг а  хуьлу,  иттазза ца  аьлча   ца кхеташ  верг   а хуьлу,  вахош  долу   маларш  дохкар  къилахь  дуй  ца  хууш   верг  а  хуьлу  (массо а ма  вац  телевизоре хьожуш а,  газет  доьшуш а). Цул сов,  барта   деш долчу  къамелан, юьхьа  дуьххьал  беш болчу  хьехаман  эвсаралла  мелла а  лакхара а хуьлу. Иза  шайн  балха  тIехь  хIинцале  зеделла  ийманехь  кхетош-  кхиоран  Центран белхахошна. Делахь-хIета, кIорда ца деш,  дIадахьа деза  вахош  долчу  маларшна, наркоманина дуьхьал  деш  долу  гIуллакхаш. Оцу  ойланехь  бу  «центран»  куьйгалхой а, ткъа  иштта  берриг   белхахой  а.
Д.САЙДХАСАНОВ.

{mosloadposition user9}

Если нашли ошибку в тексте выделите ее и нажмите Ctrl+Enter

ОБСУЖДЕНИЕ

Комментариев нет