доллар    57.47 $
евро 67.55 €
23 октября, 00:04
+12 в Грозном

Мехкан сийлахь йоI

1 марта в 14:56 (2010 г.)
Соьлжа-ГIалин № 20  йолчу  ишколерчу   дешархошна юккъехь дIаяьхьира «Мехкан  сийлахь йоI» конкурс. Иза  дIаяхьаран  Iалашо  яра  вайн  къоман  гIиллакхаш,  Iадаташ, ламасташ лардар, чIагIдар, кегийрхойх  вайн  къоман буьззина патриоташ  кхиор. 9–11-чуй классашкара  мехкарий бара конкурсехь  дакъалоцуш. 8  номинацехь  дIаяьхьира конкурс: шех лаьцна  хаза  дийцар, эшар лакхар, тоьлла гIабали,  вайнехан  хелхар,  вайнехан  кхача, вайн къоман  гIиллакхаш, Iадаташ дийцар,  мехкарша кечлуш  тIедуху тоьлла  духар, тахана  дуьненахь  шена  хила  луург   дийцар. ХIара  конкурс  дIаяхьаро доккха  гIо дийр  ду аьлла  хета  вайнехан  гIиллакхаш,  Iадаташ  цахуучарна  довзийта, хуучарна кхин а  тIечIагIдан а,  ткъа  иштта  аьтто хир бу вайнехан  зударийн  духаре  хьовса а, – конкурс  дIайолош  къамел  дира   ишколан куьйгалхочо Газиева Маринас.
Дакъалацархойн а, хьовсархойн а  екхаеллачу  яххьашка  хьаьжча  гуш  дара  церан оцу  конкурсах  самукъадаьлла  хилар. Леррина хаьржинчу  жюрис баллаш  яларца  къастийра  толаман   меттигаш яьхнарш. Хьалхара  меттиг  елира  10 «б» классерчу  Салаватова Арифина, шолгIаниг – 10 «А» классерчу  дешархочунна  Идрисова Таисина, ткъа  кхоалгIа  меттиг елира 9 «в» классан  дешархочунна Изрипова  Тамилина.
Толаман меттигаш  яьхначарна   ишколан  администрацин цIарах  диплом а, грамоташ а, мехала  совгIаташ а  дира.
Конкурс  чекхйолуш  гулбеллачара  даггара  баркалла элира  конкурс  вовшахтоьхначу  оцу  ишколан  организаторна  Сальгиреева  Маремана, ткъа  иштта  дакъалаьцначарна.
Р.МУСИПОВ.   

{mosloadposition user9}

Если нашли ошибку в тексте выделите ее и нажмите Ctrl+Enter

ОБСУЖДЕНИЕ

Мамед
23 декабря в 20:31
Старикам везде у нас почет и дорога.