«Терек» – «Крылья Советов» – 2:0

7 апреля в 15:29 (2010 г.) 3547
Премьер-лигин  командашна   юккъехь  Россехь  хьалхеяккхаран  чемпионатан  4-чу туран  матчехь  Соьлжа-ГIалара  «Терек» левзира  Самарерчу  «Крылья Советов» командина  дуьхьал. Лазийна  акхаро  шозза   кхераме  ю  олуш, цхьа   кица   ду. Оцу акхарочун   метта  Самарера «Крылья Советов»  команда   ю ала   мегар  дара. ХIунда  аьлча С.Билимхановн   цIарах  йолчу  стадионе   уьш   вайн   республикан коьртачу  командина   дуьхьал   ловзале  церан  чоьтехь  цхьа а   очко   яцара. Шаьш   дIаяьхьначу кхаа а матчехь  ийшира   уьш,  цундела  команда  турниран  таблицехь  тIаьххаьрчу  меттигехь  лаьтташ  ю. Оцу  командина   юккъехь  хуьлуш   долу  ловзарш, даима  а  дукха  тIелатарш долуш  чекхдовлура. И  бахьана   долуш, цара  вовшашца  цкъа а  очкош  екъна   яц. Россин  хьалхеяккхаран  чемпионатехь «Терек» «Крылья  Советовца»  ялхазза  левзина, левзинчу  матчашкахь  кхузза   тола а  тоьлла, кхузза эша  а эшна. КIиран  дийнахь  хилла  цхьанакхетар  церан   ворхIозлагIа  дара. Болельщикаш  тешна   бара  и   цхьаьнакхетар  дукхачу  тIелатаршца  чекхдериг  хиларх. Цундела  стадион  болельщикех  йоьзна   яра.
Матч шайн  тIелетаршца  дIайолийра  Соьлжа-ГIаларчу  футболисташа, шаьш   оцу ловзарехь  толам  боккхург  хилар  дIа а  хоуьйтуш. «Терекехь»  къаьсттина  дика  ловзарца  билгалбевлира: Бракоманте Эктор, Георгиев Благой, Кобенко Андрей. 19-чу  минотехь  Кобенкос  шега  хьажийна   буьрка  тIех хаза  Бракомонтес  коьртаца  чутуьйхира. Цул тIаьхьа,  34-чу  минотехь  Георгиевс  дукха  нийса  елла   пас  Эктора  шозлагIа а чутохарца  хьешийн  дог   дохийра. Счет 2:0 йолуш  чекхъелира  хьалхара   тайм. Командаша  садаьIначул  тIаьхьа  хьешийн   гол  тоха  масийттаза  аьтто  бара.  Хьешашна юккъехь  буьрка  тоха   карзахе  вара дукха хан  йоцуш  халха Россин   вовшахтоьхначу  командина  декъашхо   хилла  волу   Савин Евгений. Цо  тоьхна  буьрка  кевнна  уллехула  йолура  я  «Терекан»  вратарь Дикань Андрей дика ловзура. ШолгIачу  таймехь  юккъе ваьккхинчу  Спавлеца мIаргонехь  дог  дохаза  делира  нохчийн болельщикийн. Цо, защитникаш   тергал  а  ца беш,  тоьхна  буьрка  Андрейс  нисса   кевна   сиза уллехь  схьалецира. Хьалхарчу  таймехь  хилла  счет   кхин   хийца  ца луш,   чекхделира   цхьаьнакхетар. Мехкан  чемпионатехь  шолгIа  толам  баьккхира   вайн   махкахоша.
10-чу апрелехь  5-чу  туран   матчехь  Соьлжа-ГIалара «Терек»  Москвахь  меттигерчу  «Спартак» командина  дуьхьал   ловзур ю.
Вайн  футболъезархошна   довзийта  лаьа  кхечу  командин  жамIаш: «Амкар» (Пермь) – «Сибирь» (Новосибирск) – 3:1; «Анжи» (Махачкала) – «Алания» (Владикавказ) – 2:0; «Спартак» (Нальчик) – «Ростов» (Дона-тIера-Ростов) – 5:2; «Томь» (Томск) – «Спартак» (Москва) – 2:2; «Сатурн» (Раменское) – «Рубин» (Казань)  – 0:0; «Локомотив» (Москва) – «Динамо»  (Москва) – 3:2.
АБДУЛАЕВ Адам.  

{mosloadposition user9}

Если нашли ошибку в тексте выделите ее и нажмите Ctrl+Enter

ОБСУЖДЕНИЕ

Комментариев нет
Картина дня? Картина дня
Песков: в ближайшее время Путин позвонит Трампу и поздравит с вступлением в должностьПесков: в ближайшее время Путин позвонит Трампу и поздравит с вступлением в должность
В мире
Капремонт монумента "Родина-мать зовет" обойдется в 2 млрд рублей   Капремонт монумента "Родина-мать зовет" обойдется в 2 млрд рублей
В России
Р. Кадыров поздравил С. Аксенова с Днем образования КрымаР. Кадыров поздравил С. Аксенова с Днем образования Крыма
Власть и политика
Карачаево-Черкесия станет ареной состязаний лучших тхэквондистов России и стран СНГКарачаево-Черкесия станет ареной состязаний лучших тхэквондистов России и стран СНГ
Спорт и здоровье
Прогноз погоды на 21.01.2017 в ЧечнеПрогноз погоды на 21.01.2017 в Чечне
Происшествия
В Карачаево-Черкесию с официальным визитом прибыл Полномочный представитель Президента России в СКФОВ Карачаево-Черкесию с официальным визитом прибыл Полномочный представитель Президента России в СКФО
Общество
Фотография из
Идет загрузка картинки...
Добавлено:
Просмотров: