21-чу  мартехь хIусамийн – коммунальни бахаман  белхахойн  де ду. Уггар  хала  а, чолхе а дакъа ду цара дIакхоьхьург хIунда а  аьлча  бахархойн  хьашташ  кхочушдарца  доьзна  долу  дела. ХIусамийн объекташна 1уьналла  дар а,  урамашкахь а, проспекташкахь  цIано а, хазалла а кхоллар а, хи,  ток, йовхо  латтор а, ремонт яр а, – и дерриг  а догIу хIусамийн-коммунальни  бахаман   министерствон  гIуллакхашна  юккъе. Правительствон председателан  заместитела – гIишлошъяран а, хIусамийн-коммунальни бахаман а  министра  Сугаипов  Абус  ма-дийццара, динчул а дан  дезарг алсам  хуьлу,  иза  доьзна ду совюьъйлучу объекташца а, тодеш долчу  цIеношца а. ХIусамийн  фонд хьахийча,  республикехь  4667 цIа ду,  шайна чохь  76766 квартира  а  йолуш. Царна оьшуш  дерг  латтор  хIусамийн-коммунальни  бахамашна  а, урхаллашна  а тIехь ду. ТIаьхьарчу шерашкахь саццаза  болх  беш  бу  коммунальни белхалой. Хица а, токаца а,  йовхонца а  кхачоян  гIерта   цIеношкахь. ГIалин урамаш,  паркаш,  сквераш цIанъеш, хазъеш  хуьлу  белхалой. Цкъа  а тIом   ца хилча санна, исбаьхьа,   къегина,  зезагаша  кхелина  йолу   майданаш.7-8 шо  хьалха  вайн гIалахь  хилла  ирча  сурт  гинчо  лаккхара мах хадабо  Сугаипов Абус куьйгалла дечу  министерствос  бечу  белхан. Правительствон цхьа а сацам  кхочушбанза  ца  буьту   цара. Ткъа  уьш  кIеззиг  ца хуьлу. Шайна тIедилина муьлхха  а  гIуллакх  чекхдоккхий   карадойту  хIусамийн  – коммунальни  бахаман белхалоша. КхидIа а иштта  жигара  болх  бан  лерина  бу уьш, хIунда аьлча царна  шайн  гIала а, мохк  а беза, цара  и кхиабо.
Б.ДУДАЕВА.   

{mosloadposition user9}


При копировании материалов ссылка на сайт обязательна

test 2Новости СМИ2